Shymkenttik jigit alyp qashty delingen 20 jasar boıjetken jaıly tyń derek shyqty

<p>ShYMKENT. KAZINFORM — Buǵan deıin áleýmettik jelilerde shymkenttik jigit 20 jasar boıjetkendi alyp qashyp, kónbegen soń zorlady degen aqparat shyqqan bolatyn. Ondaǵy málimette jas qyzdyń qurbylary arasha túsip, polıtsııadan kómek suraǵany aıtylǵan. Polıtsııa atalǵan faktige qatysty tyń derek bólisti. </p>

Vedomstvo málimetinshe, jas qyz óz erkimen turmysqa shyqqanyn, bir apta jigitpen birge turǵanyn aıtqan.

Biraq keıin birge tura almaıtynyn túsinip, ketip qalǵan. 

Al kópshilikke jalǵa aqparat taratqany úshin onyń qurbysy jaýapqa tartylǵan.

«Keshe áleýmettik jelilerde úı̆lený úshin qyzdy óz erkinen tys urlaý jaı̆ty týraly aqparat tarady. Oqıǵaǵa qatysy bar barlyq tulǵalar polıtsııaǵa jetkizildi. Óz jaýabynda azamatsha atalǵan aqparatty joqqa shyǵaryp, jigittiń úı̆inde bir apta turǵanyn jáne odan ári birge ómir súrýden bas tartyp, ketip qalǵanyn, sondaı̆-aq qazirgi tańda eshkimge aryz-shaǵymy joq ekenin jetkizdi. Jynystyq zorlyq-zombylyq kórsetý týraly aqparatty tolyǵymen joqqa shyǵardy. Áleýmettik jelilerde jalǵan aqparat taratqan azamatshaǵa qatysty ákimshilik shara qabyldandy», -delingen polıtsııa málimetinde.

Eske salsaq, buǵan deıin alyp qashýdyń qurbany boldy delingen boıjetkenge qatysty polıtsııa túsinik bergen bolatyn.

Munyń aldynda basqa bir shymkenttik boıjetkendi mańǵystaýlyq jigit alyp qashpaq bolǵan edi. Bul sáttiń vıdeosy qala kóshelerindegi beınebaqylaý kamerasyna túsip qaldy.

Kóp uzamaı jas jigit sot úkimimen kináli dep tanylyp, 4 jylǵa sottaldy.