Shymkenttik jigit 20 jastaǵy qyzdy alyp qashyp, zorlady degen kúdikke ilindi

<p>ShYMKENT. KAZINFORM. Shymkenttik turǵyn boıjetkendi alyp qashyp, 20 jastaǵy qyz turmysqa shyǵýǵa kelispegen soń zorlady degen kúdikke ilindi.</p>

Bul aqparat Telegram-arnalardyń birinde paıda boldy.

«Shymkenttik er adam aldymen 20 jastaǵy boıjetkendi alyp qashqan. Biraq qyz kónbegen soń ony zorlaǵan. Jigittiń týystary bul týraly qyzdyń týystaryna súıinshilep, eki taraptyń jaqyndary nekege ózara kelisken», - delingen ondaǵy jazbada.

Biraq boıjetkenniń qurbylary jas qyzǵa arasha túsken. Oqıǵany polıtsııa anyqtap jatyr.

«Atalǵan faktige qatysy bar barlyq adam polıtsııaǵa jetkizilgenin habarlaımyz. Oqıǵanyń barlyq mán-jaıyn anyqtaý úshin jedel tergeý sharalary júrgizilip jatyr», - delingen qalalyq Polıtsııa departamentiniń málimetinde.

Buǵan deıin shymkenttik boıjetkendi mańǵystaýlyq jigit alyp qashpaq bolǵan edi. Bul sáttiń vıdeosy qala kóshelerindegi beınebaqylaý kamerasyna túsip qaldy.

Kóp uzamaı jas jigit sot úkimimen kináli dep tanylyp, 4 jylǵa sottaldy.