Shymkenttik oqýshylar qoǵamdyq kólikte tegin júredi

<p>ShYMKENT. KAZINFORM &ndash; Úshinshi megapolıstegi qoǵamdyq kólikterde tegin júretin jolaýshylardyń qatary artty.</p>

Búginde qoǵamdyq kólikterde tegin júrý quqyǵy І-toptaǵy múgedekterge, «Batyr ana», «Altyn alqa», «Kúmis alqa» tósbelgi ıegerlerine, tyl ardagerlerine, zaǵıp jandarǵa jáne olarmen birge júretin bir adamǵa berilgen. Al 7-18 jasqa deıin mektep oqýshylaryna tarıftiń 50 paıyzyn tóleý jeńildigi berilse, stýdentterge 50 teńge tóleý qarastyrylǵan. 

Birinshi mamyrdan bastap qoǵamdyq kólikte tegin júrý múmkindigi taǵy da birneshe sanattaǵy adamdarǵa beriledi. ıAǵnı, Shymkent qalasynyń ákimi Ǵabıt Syzdyqbekov qoǵamdyq kólikte tegin júretin sanattaǵy azamattardyń qataryn kóbeıtý týraly sheshim qabyldady. 

Olar: 
1)Uly Otan soǵysynyń ardagerleri;
2) jeńildikter boıynsha Uly Otan soǵysynyń ardagerlerine teńestirilgen ardagerler;
3) basqa memleketterdiń aýmaǵyndaǵy urys qımyldarynyń ardagerleri;
4) "Qazaqstannyń Eńbek Eri" ataǵyna ıe bolǵandar;
5) UOS jyldarynda tyldaǵy qajyrly eńbegi men minsiz áskerı qyzmeti úshin burynǵy KSRO ordenderimen jáne medaldarymen nagradtalǵan adamdar;
6) 1941 jylǵy 22 maýsym - 1945 jylǵy 9 mamyr aralyǵynda keminde alty aı jumys istegen (qyzmet ótkergen) jáne Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalmaǵan adamdar;
7) saıası qýǵyn-súrginder qurbandary retindegi adamdar;
ekinshi toptaǵy múgedektigi bar adamdar;
9) múgedektigi bar balalarǵa;
10) 70 jastan asqan zeınetkerler;
11) oqýshylar.