Shymkenttik kelinshek mashınada bosanyp qaldy

<p>ShYMKENT. KAZINFORM &ndash; Patrýldik polıtsııa qyzmetkerleri jolda bosanǵan áıeldi perzenthanaǵa jedel jetkizdi.</p>

Qala kóshelerinde qaýipsizdikti qamtamasyz etip júrgen polıtseılerge júgingen kólik júrgizýshisi áıeliniń jolda tolǵaǵy qysyp, mashınada bosanyp qalǵanyn aıtqan.

Patrýldik ınspektorlar Nuraly Táýkeev pen Saıat Kerimbek ana men balanyń medıtsınalyq mekemege keptelissiz jáne barynsha jyldam jetýine bar kúshin saldy.  

Kólik sırenasyn qosyp súıemeldep alyp júrdi.

Osylaısha birneshe mınýt ishinde ana men balany dárigerlerge tapsyrdy.

Baqytty áke óz kezeginde tártip saqshylaryna ýaqytyly kómek kórsetkeni úshin shyn júrekten alǵys aıtty. 

Jańa týǵan sábı otbasynyń ekinshi qyzy eken.

Qazirgi tańda ana men balanyń jaǵdaıy birqalypty.