Shymkenttik emshi Astanadan asyrap sábıler: úshinshi bala qaıdan berilgeni beımálim

<p>ASTANA. KAZINFORM &ndash; Shymkenttiń turǵyny asyrap balanyń biri qaı qaladan alynǵany belgisiz bolyp jatyr.&nbsp;</p>

Eske salaıyq, shymkenttik emshi elordadan úsh sábıdi baýyryna basqan. Naqty aıtqanda, egiz, odan bólek taǵy bir bala bar. Bul týraly Shymkent qalasy Bilim basqarmasynyń anyqtamasynda jazylǵan.

Egizdiń taǵdyryna qatysty elordanyń Bilim basqarmasy túsinikteme berdi, búginde qos sábı Astanaǵa qaıtaryldy.

Olaı bolsa, úshinshi sábı qaıdan paıda boldy? Sebebi Shymkent qalasynyń Bilim basqarmasy usynǵan anyqtamada «2021 jylǵy 7 shildede Astana qalalyq bilim basqarmasy basshysynyń №336 buıryǵymen taǵy bir sábı qamqorshylyqqa berilgen. Emshi men onyń jubaıy eki jyldan keıin, naqty aıtqanda 2023 jyldyń 30 qazanynda sábıdi sot sheshimimen asyrap alǵan», - delingen.

Jaýabyn Astana qalasy Bilim basqarmasynan suraǵan edik .

«Qorǵanshylyq belgileý týraly 2021 jylǵy 07 shildedegi № 336 buıryq shyǵarylǵan joq. Suraýda kórsetilgen bala basqa qaladan qamqorlyqqa alyndy», - dep jaýap berdi Bilim basqarmasy basshysynyń orynbasary Serik Ádilbaev.

Aıta keteıik, 2022 jyldan 2024 jylǵy 19 shildedegi jaǵdaı boıynsha Astana qalasynyń ınternattyq mekemelerinen 55 bala qorǵanshylyqqa (qamqorlyqqa) jáne 35 bala asyrap alýǵa berilgen.

Buǵan deıin Shymkenttik emshi asyrap alǵan astanalyq egiz – tastandy ekeni anyqtalǵan edi. 

Sondaı-aq, Shymkenttik emshi asyrap alǵan egiz elordaǵa qaıtaryldy.