Shymkenttik emshi asyrap alǵan egiz elordaǵa qaıtaryldy

<p>ASTANA. KAZINFORM &ndash; Shymkenttik emshi asyrap alǵan 6 balasyn qorlap, azaptady degen kúdikpen qamaýǵa alyndy. Balalardy elimizdiń ár qalasynan asyrap alynǵany belgili boldy. Sonyń ishinde Astana qalasynan úsh birdeı balany rásimdep, baýyryna basqan. Osy oraıda qoǵamdy dúrliktirgen oqıǵanyń mán-jaıyn Kazinform agenttigi nazaryna alǵan edi.&nbsp;</p>

«Balalar 2024 jyldyń 3 shildesinde Astana qalasyna qaıtarylyp, elorda ákimdiginiń «Arnaýly áleýmettik qyzmetterge muqtaj balalardy qoldaý ortalyǵy mekemesine ornalastyryldy», - dep jaýap berdi Astana qalalyq Bilim basqarmasy basshysynyń orynbasary Serik Ádilbaev Kazinform agenttiginiń resmı saýalyna. 

Aıta keteıik, buǵan deıin shymkenttik emshi asyrap alǵan egizdiń elordaǵa qaıtarylatyny týraly habarlaǵan edik. 

Eske salsaq, Shymkenttik emshi asyrap alǵan 6 balasyn qorlap, azaptady degen kúdikpen qamaýǵa alynǵany aıtyldy. 

Ol asyrap alǵan balalaryna ıt pen mysyqtyń etin jegizdi degen derek shyqty. 

Osy oqıǵaǵa baılanysty bilim salasynyń birqatar qyzmetkeri jazalandy. Sonymen qatar qalalyq densaýlyq saqtaý basqarmasyndaǵylar balalardyń qazirgi jaǵdaıy týraly aıtyp berdi. 

Sondaı-aq balalardyń eldiń birneshe qalasynan asyrap alynǵany belgili boldy. 

Balalardyń biriniń ájesi Óskemende turady. Kazinform tilshisi 65 jastaǵy Natalıa Ýstınovamen jolyǵyp, jıen nemeresiniń asyraýǵa qalaı berilgenin surap kórdi. 

Al, Shymkenttegi balalar úıiniń basshysy emshiden qorlyq kórgen oqýshy týraly aıtyp berdi. 

Odan bólek, shymkenttik emshiniń osydan 31 jyl buryn adam óltirgeni rastaldy.