Shymkenttik dárigerler jumys babymen kelgen ýkraınalyq áıeldi bosandyryp aldy

<p>ShYMKENT. KAZINFORM. Shymkent qalalyq perınataldyq ortalyq dárigerleri ýkraıalyq áıeldi bosandyryp aldy. Al nárestege kúrdeli operatsııa jasaldy.</p>

Dıana Şebetýn júktiliktiń 33-aptasynda tolǵaǵy qysyp, jedel járdem kóligimen perınataldyq ortalyqqa jetkizilgen. Dúnıege kelgen sábıge dárigerler «óńeshtiń artrezııasy» dıagnozyn qoıǵan. Óńeshtegi týa bitken aqaýdy hırýrgııalyq jolmen emdeý operatsııasy sátti ótken. 

«Barlyq medıtsınalyq sharalar mindetti áleýmettik saqtandyrý aıasynda tegin kórsetildi. 1700 gramm salmaqpen týǵan ul bala búginde salmaq jınap, 2 keliden asty. Densaýlyǵy jaqsarǵan anasy men balasyn perınataldyq ortalyq dárigerleri búgin úıine shyǵardy», - delingen ákimdik málimetinde. 

Aıta keteıik, Ýkraınadan kelgen áıeldiń ózi de dáriger eken. Al joldasy - «Qyzyljar» fýtbol klýbynyń oıynshysy. Kelinshek joldasymen birge Shymkentke jumys babymen kelgen. Sol kezde tolǵaǵy qysyp, perınıtaldyq ortalyqqa jetkizilgen.

Der kezinde kómek kórsetip, sábıin aman alyp qalǵan dárigerlerge Ýkraına azamatshasy alǵysyn bildirdi. 

Biz buǵan deıin Pavlodarda er adam áıelin jol ústinde bosandyryp alǵanyn jazǵan edik. Oǵan 103 operatorynyń dıspetcheri telefon arqyly aqyl-keńes berip turǵan. 35 jasar ana aman-esen bosanyp, keıin oblystyq perınataldy ortalyqqa jetkizildi.