Shymkentten Astanaǵa bara jatqan júkti áıel poıyzda bosanyp qaldy

<p>ASTANA. KAZINFORM &ndash; Kúıeýimen birge júktiliktiń sońǵy aıynda Shymkentten Astanaǵa saparǵa shyqqan áıel 86 &laquo;Shymkent-Astana&raquo; poıyzynda sábıin dúnıege ákeldi.</p>

21 qazannan 22 qazanǵa qaraǵan túni №86 «Shymkent-Astana» poıyzynda kele jatyp, jolaýshynyń tolǵaǵy bastalǵan. Saǵat 23:30-da kúıeýi poıyz qyzmetkerlerinen shuǵyl kómek surady. 

Foto: Jolaýshylar tasymaly» AQ

«Poıyz bastyǵy Gúlshat Qarakulova men jolserik Anara Adambaeva jedel túrde barlyq qajetti sharany qabyldap, jolaýshynyń aman-esen bosanýyna kómektesti. Nátıjesinde, 21 qazan kúni saǵat 23:55-te qyz bala dúnıege keldi», - dep málimdedi Jolaýshylar tasymaly» AQ baspasóz qyzmeti.

Sary-Shaǵan stantsııasyna jetkende jedel járdem shaqyrylyp, jas ana men jańa týǵan náreste dárigerlerdiń qaraýyna tapsyryldy.

Eske sala keteıik, sońǵy 3 jyl ishinde «Jolaýshylar tasymaly» AQ poıyzdarynda 14 sábı dúnıege kelgen.

Atyraý oblysynda jedel járdem feldsherleri júkti áıeldi úıinde bosandyrǵanyn jazǵan edik.