Shymkenttegi zańsyz maınerlerdiń qylmystyq áreketi áshkerelendi
Bir top adam 2023 jylǵy sáýir men 2024 jylǵy aqpan aralyǵynda jalpy somasy 100 mln teńgeden astam asa iri mólsherde kiris ala otyryp, krıptovalıýta óndirý boıynsha astyrtyn maınıng fermasyn uıymdastyrǵan.
Tergeý barysynda 1000-nan astam ASIC-terden (bıtkoın óndirý jabdyǵy) turatyn krıptovalıýta óndirge arnalǵan maınıng fermasy, noýtbýkter, beınetirkegishter, flesh-tasymaldaǵyshtar, uıaly telefondar jáne qujattamalar tabylyp, tárkilendi.
Qazirgi ýaqytta sotqa deıingi tergeý júrgizilýde, tıisti saraptamalar taǵaıyndaldy.
Aıta keteıik, bul saladaǵy zańsyz qyzmet eldiń ekonomıkalyq qaýipsizdigine nuqsan keltirip, belgili bir táýekelderdiń týyndaýyna alyp keledi.
QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.