Shymkenttegi kúkirttiń órtenýi: Tilsiz jaý oqshaýlandy, jumys qaýyrt júrip jatyr

<p>ASTANA. KAZINFORM - Shymkenttegi kúkirt órti oqshaýlandy. Oqıǵa ornynda 300-ge jýyq adam, 100-den astam tehnıka, 1 órt sóndirý poıyzy jumys istep jatyr, dep habarlaıdy QR TJM baspasóz qyzmeti.&nbsp;</p>

Shymkent qalasy TJD órt sóndirý bólimshelerine Eńbekshi aýdanynda ornalasqan "Ordabasy" ındýstrııaldyq aımaǵynyń aýmaǵynda kúkirt janyp jatqany týraly habarlama kelip túsken.

Órt sóndirýshiler kelgen kezde ashyq kúkirttiń janýy anyqtaldy.

TJM kúshteri órtti sóndirý jumystaryn júrgizip, jedel shtab uıymdastyrǵan. Zardap shekkender týraly aqparat joq.

Órt ornyna QTJ-nyń órt sóndirý poıyzy kelip,JAO, SES jáne ÓQKD ókilderi jumyldyryldy.

"Inertti materıaldardy tóseý jumystary jalǵasýda. Qazirgi ýaqytta áýe-mehnıkalyq kóbik berý arqyly ashyq órt oshaqtary sóndirilýde. Oqıǵa ornynda órtti sóndirýdiń úsh jaýyngerlik ýchaskesi uıymdastyryldy. Ottyń taralý qaýpi joq" delingen TJM habarlamasynda.

Evakýatsııalanǵan adamdar týystarynyń úılerine oraldy.

TJM, JAO, ÓKKD,102, 103, SES jeke quramynan 300-ge jýyq adam, 100-den astam tehnıka jáne QTJ-dan 1 órt sóndirý poıyzy jumyldyrylýda. Órttiń sebedi anyqtalýda.