Shymkenttegi Qoshqar ata ózeniniń ústine ájethana ornatylǵan – feık

<p>Shymkenttegi Qoshqar ata ózeniniń ústine ájethana ornatylǵany jaıynda taraǵan aqparat jalǵan. Bul týraly Shymkent qalasyndaǵy dendropark dırektory Gúlnar Saparymbet málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.&nbsp;</p>

Áleýmettik jelide ózen ústine ornatylǵan ájethananyń vıdeosy tarady. Onda ájethana astynan tup-tunyq sý aǵyp jatqanyn kórýge bolady. ıAǵnı, ájetin óteýshi nájisti sol sýǵa aǵyzatyny anyq. Vıdeo avtorynyń aıtýynsha oqıǵa Shymkent qalasyndaǵy Qoshqar ata ózeniniń ústinde túsirilgen.

Bul áreket jeli qoldanýshylardyń ashýyn týǵyzdy. Pikir jazýshylar sýdyń da suraýy bar ekenin aıtyp, ájethana ıesin polıtsııaǵa tabystaý kerektigin jazdy.

Al Qoshqar ózenin balansyna alǵan dendropark basshylyǵy bul ótken jyly Almaty oblysynda túsirilgen vıdeo ekenin jetkizdi.

«Qoshqar ata ózeni erekshe qorǵaý aımaǵyna alynǵan. Al vıdeo ótken jyly Almaty oblysynda túsirilgen. Biz mindetti túrde polıtsııaǵa shaǵym túsirip, jalǵan aqparat taratýshyny anyqtaımyz», - dedi Gúlnar Saparymbet.