Shymkenttegi Alpamys batyr eskertkishi kóshirildi
Alpamys batyr eskerkishiniń ornyn aýystyrý jónindegi usynys Shymkent qalasynyń Ardagerler keńesinen túsken.
Sodan zańnama talaptaryna sáıkes QR Mádenıet jáne aqparat mınıstrligi janynan qurylǵan arnaıy komıssııa usynysty qarap, eskertkishtiń ornyn aýystyrýǵa kelisim bergen.
«Aýystyrylýy josparlanǵan eskertkishti ornalastyrý boıynsha sıtýatsııalyq eskızdik jobasy daıyndalyp, belgilengen oryndardyń menshik ıesi men koordınatsııasy anyqtaldy. Búgingi tańda atalǵan eskertkishtiń ornyn aýystyrý jumystary demeýshiler tarapynan júrgizilip jatyr. Eskertkish Shymkent-Tashkent avtojolynyń boıyndaǵy kilt sáýlettik eskıziniń janyna ornatylady», — delingen basqarma tarapynan usynylǵan aqparatta.
Bul jumystar jyldyń sońyna deıin aıaqtalady dep josparlanýda.
Buǵan deıin Shymkentte jekemenshiktegi keıbir áleýmettik nysandar memleketke qaıtarylyp jatqany habarlandy.
Sondaı-aq, Shymkentte jyl sońyna deıin 1270 adamǵa páter beriletini belgili boldy.