Shymkentte jol ústinde tóbelesken júrgizýshilerge qatysty qylmystyq is qozǵaldy

<p>ShYMKENT. KAZINFORM &mdash; Shymkentte kólik júrgizýshileri arasyndaǵy tóbeleske ulasqan jol kıkiljińine qatysty qylmystyq is qozǵaldy.&nbsp;</p>

Jol ústinde tóbelesken jastardyń áreketi áleýmettik jelide keńinen tarap ketti. Janjal nátıjesinde júrgizýshilerdiń biri dene jaraqatyn alǵan.

Qalalyq polıtsııa departamentiniń bastyǵy Nurlan Almasbekov atalǵan oqıǵaǵa qatysty qylmystyq is tirkelgenin jetkizdi. Qazirgi tańda tergeý áreketteri júrip jatyr. 

«Eshbir quqyq buzýshylyq jazasyz qalmaıdy. Qala turǵyndaryn qoǵamdyq qaýipsizdikti nyǵaıtý maqsatynda quqyq buzýshylyqtarǵa nóldik tózimdilikpen qaraýǵa shaqyrmyn», - dedi Nurlan Almasbekov.

Polıtsııa polkovnıgi azamattardyń qaýipsizdigin nyǵaıtý úshin zańmen kez kelgen zorlyq-zombylyq úshin jaýapkershilik kúsheıtilgenin, densaýlyqqa qasaqana jeńil zııan keltirý jáne uryp-soǵý qylmystyq quqyq buzýshylyqqa jatatynyn eske saldy.

Aıta keteıik, budan buryn Semeıde túnde kópirden qulaǵan adam araldan tabylǵanyn jazǵan bolatynbyz.