Shymkentte jol erejesin saqtamaǵan 300-den astam jaıaý júrginshi jaýapqa tartyldy

<p>ShYMKENT. KAZINFORM - Shymkentte kólik basqarǵanda qaýipsizdik beldigin taqpaıtyndar kóp.</p>

«Jaıaý júrginshi» jedel-profılaktıkalyq is-sharasynyń eki kúninde Shymkent qalasynda 2657 zań buzýshylyq tirkeldi. Onyń ishinde, 191-i kólik basqaryp kele jatyp uıaly telefon qoldanǵan bolsa, 259-y qaýipsizdik beldigin taqpaǵan. Al, 82-si manevr jasaý qaǵıdasyn buzý boıynsha bolsa, 25-i qujatsyz kólik basqarǵan. Sondaı-aq, jol júrý erejelerin buzǵan 306 jaıaý júrginshige qatysty ákimshilik hattama toltyryldy. Jalpy 62 avtokólik aıypturaqqa qoıyldy.

«Qala polıtseıleri jol júrý erejelerin qatań saqtaýdy jáne jol qozǵalysyna qatysýshy ózge de azamattarǵa qurmetpen qaraýdy eskertedi» - delingen Shymkent qalasy polıtsııa departamentiniń baspasóz qyzmeti usynǵan aqparatta.