Shymkentte jol erejesin buzǵan 17 jastaǵy jigitke birden 4 hattama toltyryldy

<p>ShYMKENT. KAZINFORM - Shymkentte polıtsııanyń zańdy talabyna baǵynbaǵan júrgizýshi ustaldy.</p>

Patrýldik polıtseıler túngi ýaqytta jaryq shamyn jaqpaı júrip bara jatqan «Toyota Camry 75» markaly avtokóligin toqtatqan. Alaıda júrgizýshi tártip saqshylarynyń zańdy talabyna baǵynbaı, jyldamdyqty asyryp, qashyp qutylýǵa tyrysty. Tártip saqshylary jol apaty jaǵdaılarynyń aldyn alyp, ony dereý quryqtaý úshin barlyq qajetti sharalardy qabyldady.

Nátıjesinde, zań buzýshy Táýke han dańǵylynyń boıynda ustaldy.

Tekserý barysynda júrgizýshiniń kámelet jasqa tolmaǵany anyqtaldy.

«Atalǵan jaıtqa qatysty ákimshilik kodekstiń «Kólik quralyn basqarý quqyǵy joq adamnyń polıtsııanyń zańdy talabyna baǵynbaýy», «Baǵdarshamnyń tyıym salatyn sıgnalyna qaramaı ótý», «Júrgizýshiniń avarııalyq jaǵdaı týǵyzýǵa ákep soqqan, jol júrý qaǵıdalaryn buzýy» jáne «Kólik quralyn basqarý quqyǵy joq adamnyń qarsy baǵytqa shyǵýy» boıynsha hattamalar toltyryldy. Kólik aıypturaqqa qoıyldy» delingen Shymkent qalasy polıtsııa departamentiniń baspasóz qyzmeti taratqan aqparatta.