Shymkentte jol apatynan qaıtys bolǵan jas jigittiń júregi er kisige salyndy

<p>ShYMKENT. KAZINFORM. Shymkentte &laquo;Júrek&raquo; ortalyǵynyń dárigerleri júrek transplantatsııasyn sátti jasady.&nbsp; Jol apatynan qaıtys bolǵan 18 jastaǵy jigittiń júregi orta jastaǵy naýqasqa salyndy.</p>

Júregin almastyrǵan naýqas – qalanyń 58 jastaǵy turǵyny. Dárigerler patsıentke kúni keshe jol apatynan qaza taýyp, 4 aǵzasy muqtaj naýqastarǵa bólingen 18 jasar jigittiń júregin salyp berdi. Otadan keıin naýqas reanımatsııa bólimshesine aýystyryldy. Dárigerler júregi almastyrylǵan patsıent esin jıyp, jaǵdaıy jaqsarǵanyn málimdedi», - dedi qalalyq Densaýlyq saqtaý basqarmasynan.

Aıta keteıik, máıitten alynǵan júrek transplantatsııasy Shymkentte osymen ekinshi ret jasalynyp otyr. Bul joly qaladaǵy «Júrek ortalyǵynyń» qyzmetkerleri aǵza almastyrý otasyn ózderi jasaǵan. Mundaı joǵary tehnologııalyq operatsııalar memleket tarapynan tegin jasalady.

Eske salsaq, buǵan deıin Túrkistan oblysynda qaıtys bolǵan 18 jastaǵy jigittiń aǵzasy 4 naýqasqa salynatyny týraly jazdyq. Onyń júregi shymkenttik naýqastyń ómirin aman qalyp qalýǵa múmkindik bergen.