Shymkentte jınalys kezinde antıkor ustap áketken sheneýnik isi sotqa joldandy
Sol kezdegi sheneýnik pen onyń sybaılasyna Qylmystyq kodekstiń 189-babynyń 4-bóligi 2-tarmaǵy men 218-baby 3-bóligi 1,3-tarmaqtary boıynsha aıyp taǵylyp otyr.
Qalalyq sottyń málimetinshe, qylmystyq is boıynsha aldyn-ala tyńdaý 12 shilde kúni saǵat 10:00–ge belgilendi.
Іsti qylmystyq ister jónindegi aýdanaralyq sotynyń tóraǵasy Aınel Oraqbaeva qaraıdy.
Eske salsaq, aqpan aıynda sybaılas jemqorlyqqa qarsy is-qımyl agenttiginiń Shymkent qalalyq departament qyzmetkerleri ákimdiktegi jınalys kezinde turǵyn úı basqarmasy basshysynyń mindetin atqarýshy Azat Momynovty ustap áketken bolatyn.
Basqarma bastyǵy seısmıkalyq qaýipsizdikke bólingen 120 mln teńgeni jymqyrdy dep aıyptalyp otyr.
Vedomstvo málimetinshe, ol qalanyń 216 turǵyn úıiniń seısmıkalyq turaqtylyǵyn tehnologııalyq tekserý jónindegi jumystardy oryndaýǵa bólingen asa iri mólsherde aldyn ala bir top adammen sóz baılasyp, bıýdjet qarajatyn jymqyrdy dep aıyptalǵan.
«Zalaldyń aldyn somasy — 120 mln teńge. Qatarlas qarjylyq tergeý barysynda sheneýniktiń anasyna resimdelgen Túrkistan oblysynyń Qazyǵurt aýylynda monsha keshenin salý arqyly jymqyrylǵan qarajatty zańdastyrý týraly nusqasy tekseriledi», -dep málimdegen bolatyn qalalyq antıkor.