Shymkentte jer telimderiniń shekarasyn zańsyz ózgertkender sottaldy

<p>ASTANA. KAZINFORM &ndash; Shymkent qalasynyń qylmystyq ister boıynsha mamandandyrylǵan aýdanaralyq sotynyń &laquo;Azamattarǵa arnalǵan úkimet&raquo; memlekettik korporatsııasy&raquo; KEAQ jergilikti fılıalynyń burynǵy eki qyzmetkerine qatysty úkimi óz kúshine endi.</p>

Olar Qylmystyq kodekstiń 206-babynyń 3-bóliginde jáne 190-babynyń 4-bóliginde kózdelgen qylmystardy jasaǵany úshin kináli dep tanylyp, 5 jylǵa bas bostandyǵynan aıyrýǵa sottaldy. Sondaı-aq kommertsııalyq uıymdarda basshy laýazymdardy atqarý quqyǵynan 5 jylǵa aıyryldy.

«Tergeý barysynda sottalǵan adamdardyń Memlekettik jer kadastrynyń avtomattandyrylǵan aqparattyq júıesinde málimetterdi ózgertý arqyly Shymkent qalasynyń jer telimderiniń shekarasyn zańsyz kóshirip, ózgertkeni anyqtaldy», — dep jazdy UQK baspasóz qyzmetinen.

Olardyń qylmystyq áreketinen memleketke keltirilgen zalal 50 mln. teńgeden astamdy qurady.