Shymkentte jeke turǵyn úı órtenip, 52 jastaǵy áıel qaıtys boldy
Áleýmettik jelide taraǵan aqparatqa súıensek, jeke turǵyn úıde bolǵan órtten Túrkistan oblysy tergeý soty tóraǵasynyń burynǵy jubaıy qaıtys bolǵan. Oqıǵa ornynan kerosın men bankalar tabylǵan.
Atalǵan jaǵdaıǵa baılanysty aqparat taratqan Shymkent qalasy tótenshe jaǵdaılar departamenti órttiń bolǵanyn rastady. Saldarynan úsh adam ýlanýmen aýrýhanaǵa jatqyzylsa, oqıǵa ornynan 52 jastaǵy áıeldiń máıiti tabylǵan.
— Almahan qajy kóshesinde ornalasqan turǵyn úıdiń 100 sharshy metr alańynda órt boldy. Órt saǵat 06:44–te oqshaýlanyp, 06:59–da tolyǵymen sóndirildi. Atalǵan órt oqıǵasynyń mán-jaıy Shymkent qalasy polıtsııa departamentiniń Abaı aýdandyq polıtsııa basqarmasymen anyqtalýda, - delingen vedomstva aqparatynda.
Al, polıtsııa departamentiniń baspasóz qyzmeti atalǵan jaıt boıynsha qylmystyq is qozǵalǵandyǵyn habarlady.
— Qazirgi tańda oqıǵanyń barlyq mán-jaıyn anyqtaýǵa baǵyttalǵan tergeý is-sharalarynyń kesheni júrgizilip jatyr. Іs boıynsha tergeý barysy Shymkent qalasy polıtsııa departamenti basshylyǵynyń baqylaýynda. Ózge aqparat QR QPK-niń 201-babyna sáıkes tergeý múddesinde jarııa etýge jatpaıdy, - delingen aqparatta.