Shymkentte Jańa jyl túni 20 bala ata-anasynan adasyp qaldy

<p>ShYMKENT. KAZINFORM &ndash; Qala aýmaǵynda quqyqtyq tártip pen qoǵamdyq qaýipsizdikti qamtamasyz etý úshin 2000 polıtsııa qyzmetkeri jumyldyryldy.</p>

Merekelik is-sharalar ótkizilgen oryndardy patrýldeý kezinde polıtseıler adasyp qalǵan 20 balany taýyp, ata-analaryna tabystady. Joǵalǵan balalardyń barlyǵy aman-esen otbasyna oraldy. Sondaı-aq, jol qozǵalysy qaýipsizdigine de erekshe nazar aýdaryldy. Patrýldeý kezinde kólikti mas kúıinde basqarǵan 3 júrgizýshi anyqtaldy. Quqyq buzýshylarǵa qatysty ákimshilik hattamalar toltyrylyp, tıisti sharalar qoldanyldy. 

- Quqyq qorǵaý organdary jańa jyldyq merekelerde tártipti qamtamasyz etý úshin kúsheıtilgen rejımde jumys istedi. Olardyń úılesimdi jumysynyń arqasynda qala turǵyndary men qonaqtary jańa jyldy qaýipsiz ári beıbit jaǵdaıda qarsy aldy. Polıtsııa qyzmetine jańa jyl túni 1000-nan astam qońyraý tústi. Tártip saqshylary ár shaqyrtýǵa jedel áreket etip, tıisti sharalardy qabyldap otyrdy. Bul qala turǵyndarynyń senimin arttyryp, tótenshe jaǵdaılardy ýaqytyly sheshýge múmkindik berdi, - dedi Shymkent qalasy polıtsııa departamenti jergilikti polıtsııa qyzmeti basqarmasynyń bastyǵy Erǵalı Súleımenov.

Aıta keteıik, budan buryn Shymkentte jalǵan qujat jasap, alaıaqtyqpen aınalysqan kúdikti izdestirilip jatqanyn jazǵan bolatynbyz.