Shymkentte zeınetkerlerdiń shıpajaılarǵa kezekke turýy avtomattandyryldy

<p>Shymkent qalasynda zeınetkerlerdiń shıpajaılarǵa kezekke turýy boıynsha jańa qyzmet iske qosyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Otyrar arnasynyń jazýynsha, qarııalar endi sanatorly-kýrorttyq em qabyldaýǵa geo-shym.kz portaly arqyly ótinish berip, kezek retin onlaın baqylaı alady. Ótinim bildirý úshin jeke elektrondy sandyq qoltańba kiltin paıdalanyp, júıede tirkelý qajet.

Qazirgi tańda kezekte turǵan 22 myńnan astam azamattyń málimeti bazaǵa engizildi.

Zeınet jasyndaǵy azamattar kezekke turý úshin buǵan deıin qalalyq Jumyspen qamtý jáne áleýmettik qorǵaý basqarmasyna arnaıy baratyn. Tizim de basqarmada saqtalatyn.

Málimetke súıensek, jyl saıyn shıpajaılarda em qabyldaýǵa 13 myńǵa jýyq zeınetkerden ótinish túsedi. Kezek retine qaraı olar shıpajaı joldamalarymen qamtamasyz etilýde.

Byltyrdan bastap shıpajaılarda qyzmet alý kúnderi 6 kúnnen 10 kúnge uzartyldy.
Jalpy, qalada 89 926 zeınetker turady. Onyń ishinde 2 Uly Otan soǵysy ardageri men 1 950 tyl eńbekkeri bar.

Zeınet jasyndaǵy azamattardyń ómir súrý sapasyn jaqsartý maqsatynda Shymkent qalasy boıynsha úsh «Belsendi uzaq ómir ortalyǵy» qyzmet kórsetýde. Ótken jyly qarttardyń ıgiligi úshin syıymdylyǵy 70 adamdy quraıtyn «Іzetti zeınetker» ataýymen shıpajaı ashyldy.

Demalýshylar úshin ǵımaratta arnaıy elektromagnıtti terapııa bólmesi, dárilik shóp tunbalary usynylatyn fıto bar, sýmen emdeý ortalyqtary – basseın men fıtobochka (shóp býyna býlaý), kitaphana, májilis zaly, zamanaýı qurylǵylarmen qamtamasyz etilgen em-shara bólmeleri qarastyrylǵan.