Shymkentte ulandyqtar kóshede esinen tanyp qalǵan adamǵa kómekke keldi

<p>ShYMKENT. KAZINFORM — Oqıǵa 11 mamyr kúni keshke  Gagarın kóshesinde bolǵan. Bul jerdi Ulttyq ulanǵa qarasty 6506 áskerı bólimniń birinshi jedel maqsattaǵy batalonynyń áskerı qyzmetshileri patrýldep júrgen edi.</p>

— Sol kezde kóshede aýyryp, óńi buzylǵan adamdy baıqadyq jáne jaǵdaıyn bilý úshin oǵan jaqyndadyq. Áńgime barysynda er adam qulap, esinen tana bastady. Biz birden 103-ke qońyraý shaldyq, sodan keıin dárigerlerdi kútpeı, alǵashqy medıtsınalyq kómek kórsetýge kiristik, — deıdi áskerı jasaq bastyǵy, qatardaǵy jaýynger Beksulat Asanov.

Foto: Ulttyq ulan

10 mınýttan keıin jedel járdem kóligi oqıǵa ornyna keldi.

Kelgen dárigerler qala turǵynyn dereý aýrýhanaǵa jetkizdi.

Quqyqtyq tártip áskerleri áskerı qyzmetshileriniń úılesimdi is-qımylynyń arqasynda adam ómiri qutqaryldy.

«Ulttyq ulannyń áskerı qyzmetshileri tótenshe jaǵdaılarda azamattarǵa kómekke kelýge árqashan daıyn, óıtkeni olar úshin adam ómiri — bárinen mańyzdy» dep habarlady Ulttyq ulannyń baspasóz qyzmetinen.