Shymkentte UQKD-niń jańa basshysy taǵaıyndaldy

<p>ASTANA. KAZINFORM - QR Ulttyq qaýipsizdik komıteti tóraǵasynyń buıryǵymen Shymkent qalasy boıynsha Ulttyq qaýipsizdik komıteti departamentiniń bastyǵy laýazymyna Rýslan Temirǵalıuly Seısembaev taǵaıyndaldy. Bul týraly atalǵan departamenttiń baspasóz qyzmeti rastaldy, dep habarlaıdy <a href="https://www.inform.kz/ru/ruslan-seysembaev-vozglavil-dknb-shimkenta-02bedb" target="_blank" rel="noopener">Kazinform</a> tilshisi.&nbsp;</p>

General-maıor Rýslan Seısembaev QR Ulttyq qaýipsizdik komıtetiniń Akademııasyn bitirgen.

1997 jyldan 2008 jylǵa deıin Ulttyq qaýipsizdik organdarynda ofıtserlik laýazymdarda qyzmet etti, al 2008 jyldan 2023 jylǵa deıin osy salada basshylyq qyzmetter atqardy.

2023 jyldyń sáýirinen 2024 jyldyń qyrkúıegine deıin Rýslan Seısembaev QR UQK tóraǵasynyń orynbasary jáne terrorǵa qarsy qyzmet bastyǵynyń mindetin atqardy.

Qyzmet etken jyldary II dárejeli «Aıbyn» ordenimen, sondaı-aq mereıtoılyq jáne vedomstvolyq medaldarmen marapattalǵan.

2021 jyly QR Prezıdentiniń Jarlyǵymen oǵan Ulttyq qaýipsizdik general-maıory ataǵy berildi. Ol sondaı-aq QR UQK qurmetti qyzmetkeri.

Aıta keteıik, buǵan deıin Darhan Satybaldynyń QR Prezıdentiniń Ákimshiligi Basshysynyń birinshi orynbasary bolyp taǵaıyndalǵanyn habarlaǵan edik.