Shymkentte ýchaskelik polıtseı 9 jyl buryn kisi óltirgen kúdiktini ustady

<p>ShYMKENT. KAZINFORM &ndash; Arys qalasynyń turǵyny 2015 jyly úsh adamdy atyp, oqıǵa ornynan boı tasalaǵan. Sol sátte jábirlenýshiniń biri alǵan jaraqatynan aýrýhanada kóz jumdy. Sodan er adamǵa halyqaralyq izdeý jarııalandy.</p>

Qaýipti qylmyskerdi Eńbekshi aýdandyq polıtsııa bóliminiń ýchaskelik ınspektory Sáken Aqbaev anyqtady. Únemi bas kıim kıip, bet-álpetin jasyrýǵa tyrysyp júretin jigitten tártip saqshysy kúdiktengen. Kólik jóndeý ortalyǵyna jaqynda jumysqa ornalasqanyn bilgennen keıin ınspektor er azamattyń jeke basyn anyqtady.

«Tártip saqshysy oqıǵa týraly dereý jedel-tergeý tobyna habarlap, áriptesterimen birge qashqyndy qolǵa túsirdi. Qazir kúdikti qamaýda. Ol Arystyń quqyq qorǵaýshylaryna tapsyrylatyn bolady» - delingen Shymkent qalasy Polıtsııa departamentiniń baspasóz qyzmeti usynǵan aqparatta.