Shymkentte turmystyq qarym-qatynasta jasalǵan qylmys kóbeıgen

<p>ShYMKENT. KAZINFORM - Osy jyldyń 11 aıynda otbasynda jasalǵan quqyq buzýshylyqtar boıynsha 5600 adam ákimshilik jaýapkershilikke tartyldy. Bul týraly Shymkent qalasy prokýratýrasynyń qoǵamdyq múddelerdi qorǵaý basqarmasynyń bastyǵy Baqytjan Baıǵozıev málimdedi.</p>

Jasalǵan quqyq buzýshylyqtar aıasynda jáne jábirlenýshiniń qaýipsizdigin qamtamasyz etý maqsatynda polıtsııamen 4800 adamǵa qatysty «qorǵaý nusqamasy» shyǵarylǵan. Al, qorǵaý nusqamasyn buzǵany úshin 363 turǵyn ákimshilik jaýapkershilikke tartyldy. Sondaı-aq, prokýratýranyń bastamasymen jumyspen qamtý jáne áleýmettik qorǵaý basqarmasyna qarasty «Baqytty januıa» ortalyǵynda eń alǵashqy ret agressorlarǵa tegin psıhologııalyq kómek kórsetý jobasy iske qosyldy. Onda maman-psıhologtar otbasylyq qundylyqtardy nasıhattaýǵa, ata-ana men balanyń qarym qatynasyn nyǵaıtýǵa baǵyttalǵan kómek beredi.

– Bıyl otbasy turmystyq qarym-qatynasta jasalǵan qylmystar 32-den 146-ǵa ósken. Onyń sebebi 2024 jyly 15 maýsymda kúshine engen jańa zańnama negizinde Qylmystyq kodekske engizilgen baptarǵa baılanysty. ıAǵnı QK-tiń 108-1 baby «densaýlyqqa qasaqana jeńil zııan keltirý» boıynsha 38 qylmys, QK-tiń 109-1 baby «uryp soǵý» boıynsha 84 qylmys tirkeldi. Prokýratýra tarapynan profılaktıkalyq maqsatta basqa da jumystar júrgizilip, bul saladaǵy quqyq buzýshylyqtar erekshe baqylaýǵa alyndy, - dedi Baqytjan Baıǵozıev.

Aıta keteıik, Shymkentte kámeletke tolmaǵandarǵa qarsy jasalǵan qylmystar 34,2 paıyzǵa óskenin jazǵan bolatynbyz.