Shymkentte tergeý ızolıatorynda otyrǵan 29 jastaǵy kúdikti qaıtys boldy

<p>Shymkentte tergeý ızolıatorynda otyrǵan 29 jastaǵy kúdikti qaıtys boldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

29 jastaǵy er adamǵa QR QK 262, 287, 307 jáne 194-baptarynda kózdelgen birqatar qylmys jasady degen aıyp taǵylǵan bolatyn. 14 qarasha kúni ol naýqastanǵandyqtan «T.Orynbaev» atyndaǵy gıperbarııalyq oksıgenatsııa ortalyǵynyń jan saqtaý bólimine jatqyzylǵan. Al 22 qarasha kúni saǵat 20.35-te júrgizilgen em nátıjesine qaramastan qaıtys boldy. Basty sebep – jedel júrek-qan tamyr jáne tynys jetispeýshiligi men mıdyń isinýi.

«Barlyq qajetti saraptamalar taǵaıyndaldy. Qazirgi kezde sotqa deıingi tergeý júrgizilip jatyr. Sotqa deıingi tergep-tekserý múddesindegi ózge de aqparat jarııa etýge jatpaıdy» - delingen Shymkent qalasy jáne Túrkistan oblysy boıynsha QAJD tarapynan usynylǵan aqparatta.