Shymkentte tabıǵat qorǵaý zańnamasyn buzǵan 200 adam jaýapqa tartyldy

<p>ShYMKENT. KAZINFORM — Shymkent polıtsııasy «Brakoner» jedel-profılaktıkalyq is-sharasyn ótkizip jatyr. </p>

Іs-sharanyń jıyrma kúninde tártip saqshylary 200-ge jýyq tabıǵatty qorǵaý zańnamasyn buzý jaıtyn anyqtady. 

Onyń ishinde janýarlar dúnıesin paıdalaný talaptaryn jáne ań aýlaý qaǵıdasyn buzǵany úshin ÁQBtK 382-babymen 38 adam jaýapqa tartylsa, azamattyq jáne qyzmettik qarý aınalymy qaǵıdasyn buzǵany úshin 116 turǵynǵa aıyppul salyndy.

Sondaı-aq, ÁQBtK 386-babyna sáıkes aǵashty kútip ustaý jáne qorǵaý qaǵıdasyn buzǵan 38 adam eskertý aldy.

«Zańsyz ań aýlaý zańnamada kózdelgen jaýapkershilikke alyp keletinin eskertemiz jáne árbir turǵyndy óńirdiń ekologııalyq ál-aýqatyn saqtaýǵa, tabıǵat pen janýarlar dúnıesin qorǵaýǵa shaqyramyz» delingen Shymkent qalasy polıtsııa departamentiniń baspasóz qyzmeti taratqan aqparatta.