Shymkentte sońǵy aptada qyzylshanyń taralýy báseńdedi

<p>Shymkentte qyzylshanyń taralýy báseńdedi. Bul týraly Shymkent qalasy densaýlyq saqtaý basqarmasynyń baspasóz qyzmeti málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Shymkent qalasynda sońǵy bir aptada qyzylsha aýrýynyń taralýy báseńdedi.

Juqpaly aýrýlar aýrýhanasyna túsken naýqastardyń sany jeti kúnde 37,3% tómendegen.

Sondaı-aq jedel medıtsınalyq járdem stantsııasyna túsetin qyzylshaǵa kúdikti qońyraýlar 125-ten 94-ke deıin azaıyp otyr.

«Halyqty qyzylshaǵa qarsy mindetti vaktsınalaý qajettigin túsindirý maqsatynda 8700-den astam aýlany aralap, aqparattyq-túsindirý jumysy júrgizildi. Dinı qoǵam ókilderiniń qatysýymen 174 dóńgelek ústel ótkizildi. Nátıjesinde ata-analar ımmýnoprofılaktıka máselesi boıynsha emhanaǵa jıi júgine bastady. Balalardy josparly vaktsınatsııamen qamtý kórsetkishi 80% ulǵaıdy» delingen Shymkent qalasy densaýlyq saqtaý basqarmasynyń baspasóz qyzmeti usynǵan aqparatta.