Shymkentte shashyn jaıǵan kelinshek 11 adamdy óltirdi - feık
Áleýmettik jelide taraǵan aqparatqa súıensek, narkologııalyq dıspanserden 11 jyndy qashyp ketken. Solardyń biri Shubarsý aýylynda júrgen kórinedi. Shashyn jaıyp alǵan aq kóılekti kelinshek úı-úıdi aralap nan men sý suraıdy. Sodan keıin adamdardy pyshaqtap ketip jatqan jaıy bar. Qazirgi tańda onyń qolynan 11 adam qaza tapqan.
«Ásirese, jer úıdiń adamdary esikterińizdi qulyptap júrińizder. Balalaryńyzben, qyzdaryńyzǵa abaı bolyńyzdar. Men túnde jumystan qaıtqanda kórdim», - deıdi jelide aýdıo habarlama jarııalaǵan turǵyn.
Atalǵan jaǵdaı boıynsha resmı pikir bildirgen Shymkent qalasy polıtsııa departamentiniń baspasóz qyzmeti jelide tarap jatqan aqparat shyndyqqa janaspaıtynyn málimdedi.
«Polıtsııa departamenti jalǵan aqparat taratý úshin qylmystyq jáne ákimshilik jaýapkershilik qarastyrylǵanyn eskertedi. Tek resmı aqparat kózderine senýge shaqyramyz», - delingen Shymkent qalasy polıtsııa departamentiniń baspasóz qyzmeti usynǵan aqparatta.