Shymkentte polıtseıler zańsyz ustaǵan 31 adam bosap shyqty

<p>ASTANA. KAZINFORM &ndash; Jyl basynan beri Shymkent qalasynyń polıtsııa basqarmalarynyń ǵımarattarynan 31 tulǵa bosatyldy. Bul týraly Shymkent qalasy prokýratýrasynyń baspasóz qyzmeti málim etti.</p>

Shymkent qalalysynyń prokýratýrasy azamattardyń konstıtýtsııalyq quqyqtary men bostandyqtarynyń saqtalýyn júıeli túrde baqylap otyrady.

Quqyq buzýshylyqtyń aldyn alý maqsatynda prokýrorlar qylmystyq qýdalaý organdarynyń ǵımaratyndaǵy qyzmettik bólmelerde adamdardy jetkizýdiń úsh saǵattyq merzimin saqtaý týraly Qylmystyq-protsesstik kodekstiń talaptarynyń oryndalýyn tekseredi.

Jalpy prokýrorlar bıylǵy jyldyń 10 aıynda polıtsııa ǵımarattarynda zańsyz ustalǵan 31 adamdy (onyń ishinde Qarataý aýdanynda — 9, Turan aýdanynda — 8, Ál-Farabı aýdanynda — 7, Abaı aýdanynda — 5, Eńbekshi aýdanynda — 2) bosatqan.

Prokýrorlyq qadaǵalaý aktileri boıynsha 27 laýazymdy tulǵa tártiptik jazaǵa tartyldy.

— Biz Qylmystyq-protsestik zańnamasynyń múltiksiz oryndalýyna umtylýymyz kerek. Azamattardyń quqyq qorǵaý organdarynyń ǵımarattarynda bir mınýttan asa negizsiz bolýyna jol berilmeýi kerek jáne olardyń quqyqtaryn buzǵandar úshin saldary bolady. Atalǵan jumystar jalǵasýda, — dep atap ótti vedomstvonyń baspasóz qyzmeti.

Buǵan deıin habarlaǵanymyzdaı, Bas prokýrordyń aǵa kómekshisi Ashat Aýqatov Májilistegi dóńgelek ústelde Semeı qalasynda «Jasyl damý» mekemesiniń aqshasyna alynǵan qymbat qondyrǵynyń ashyq aspan astynda tozyp jatqanyn málim etti.