Shymkentte paıdaly qazbasy bar 116 gektar jer memleketke qaıtaryldy

<p>Shymkent qalasynyń prokýratýrasy óz mindettemesin oryndamaǵan 17 jer qoınaýyn paıdalanýshyny anyqtady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Memleketten paıdaly qazbasy bar jerdi alǵanda jer qoınaýyn paıdalanýshylar birqatar sharttardy, onyń ishinde áleýmettik sıpattaǵy sharttardy oryndaýǵa mindettenedi.

Alaıda barlyq jer qoınaýyn paıdalanýshylar ózderiniń kelisimshart mindetterin adal oryndamaǵan.

Osyǵan baılanysty prokýratýra qadaǵalaý aktisin engizip, nátıjesinde jergilikti atqarýshy organdar 7 kelisimshartty buzyp, memleketke kadastrlyq quny 1 mlrd teńgeden asatyn 116 ga jer ýchaskesin qaıtardy. 

Al 10 kelisimshart boıynsha jer qoınaýyn paıdalanýshylar olarǵa jer berý úshin negiz bolǵan 6 mln teńge somasynda sharttardy oryndady.

Sondaı-aq prokýrorlar jer qoınaýyn zańsyz óndirýdiń 5 faktisin anyqtady jáne kináli tulǵalar ÁQBtK 139-baby boıynsha ákimshilik jaýapqa tartyldy.