Shymkentte memleketaralyq izdeýde júrgen Ózbekstan azamaty ustaldy

<p>ShYMKENT. KAZINFORM - Kóshi-qon qyzmetiniń ınspektorlary ІІM-niń nusqaýy boıynsha júrgizgen &laquo;rezeńke páterlerdi&raquo; tekserý barysynda izdeýde júrgen Ózbekstan azamaty anyqtaldy.</p>

Kúdiktige ekonomıkalyq qylmystar jasaǵany úshin úsh bap boıynsha is qozǵalǵan. Sodan 2022 jyly Ózbekstan Respýblıkasynyń polıtsııa qyzmetkerleriniń tarapynan memleketaralyq izdeý jarııalanǵan.

«Qazaqstan Respýblıkasy aýmaǵynda tirkeýsiz júrgen er adam qamaýǵa alyndy. Qazirgi tańda ony kórshi elge ekstradıtsııalaý boıynsha jumystar júrgizilýde», - delingen Shymkent qalasy polıtsııa departamentiniń baspasóz qyzmeti taratqan aqparatta.

Aıta keteıik, kóshi-qon qyzmetiniń ınspektorlary 1 000-nan astam páter men jeke úılerdi tekserip, 10 000-nan astam jalǵan turǵyndy bógde adamdardyń úıinen tirkeýden shyǵardy. Reıd barysynda ÁQBtK-niń 493-baby boıynsha 173 turǵynjaı ıesi menshiginde naqty turmaıtyn tulǵalardyń tirkelýine jol bergeni úshin jaýapqa tartyldy.

Sonymen qatar turǵylyqty jerinde tirkeýsiz turǵan 716 adam anyqtaldy. Olarǵa qatysty QR ÁQBtK 492-baby boıynsha hattamalar toltyryldy.