Shymkentte mas kúıde eki tanysyn pyshaqtap óltirgen áıel sottaldy

<p>Shymkent qalasynyń qylmystyq ister jónindegi mamandandyrylǵan aýdanaralyq sotynda eki tanysyn pyshaqtap óltirgen áıelge qatysty is qaraldy, dep habarlaıdy Kazinform.</p>

Oqıǵa ótken jyldyń 19 shildesi kúni Kóksaı-2 shaǵyn aýdanynda boldy. Alkogoldik ishimdik ishken shaǵyn top, ózara kóńil kótergen. Sodan aralarynda túsinispeýshilik týyndaǵan. Sottalýshy tanysyn qyzǵanyp, ashanalyq pyshaqpen qasyndaǵylarǵa dene jaraqattaryn salǵan. Bir adam sol jerde jan tapsyrsa, ekinshi adam aýrýhanada qaıtys boldy.

Sot úkimimen QK-niń 99-baby 2-bóliginiń 1) tarmaǵymen kináli dep tanylǵan sottalýshy 15 jyl 6 aı merzimge bas bostandyǵynan aıyryldy.

«Sot sottalýshyǵa jaza túri men mólsherin belgilegen kezde onyń qylmystyq jaýaptylyǵy men jazasyn jeńildetetin mán-jaılar retinde kinásin moıyndaǵanyn, shyn nıetpen ókinýin eskerdi. Al qylmystyq jaýaptylyǵy men jazasyn aýyrlatatyn mán-jaılar retinde alkogoldyq masań kúıde bolǵanyn tanydy. Úkim zańdy kúshine engen joq» delingen Shymkent qalasynyń qylmystyq ister jónindegi mamandandyrylǵan aýdanaralyq sotynyń baspasóz qyzmeti usynǵan aqparatta.