Shymkentte kóshi-qon zańdylyǵyn buzǵan 80 azamat el aýmaǵynan shyǵaryldy
Shymkentte Qazaqstan Respýblıkasyna kelý, bolý jáne ketý erejelerin buzǵan 650 sheteldik pen Qazaqstan azamattary anyqtalyp, ákimshilik jaýapkershilikke tartyldy.
Sonymen qatar polıtsııa departamentiniń qabyldap-taratý ortalyǵyna jeke basyn anyqtaıtyn qujattary joq 282 adam ornalastyryldy. Qazaqstan Respýblıkasynda bolý erejelerin buzǵan 460 sheteldikke ákimshilik kodekstiń 517-babymen hattama toltyryldy.
Shetel azamatyn zańsyz turǵyn úımen qamtamasyz etken 126 shymkenttik ákimshilik kodekstiń 518-babymen jáne sheteldik jumys kúshin zańsyz paıdalanǵan 64 jergilikti turǵyn 519-babymen jaýapkershilikke tartyldy.
«Kóshi-qon basqarmasynyń qyzmetkerleri «Mıgrant» jedel-profılaktıkalyq is sharasyn qorytyndylady. Nátıjesinde kóshi-qon zańnamasyn óreskel buzǵan 80 sheteldik Qazaqstan Respýblıkasynyń aýmaǵynan shyǵaryldy», - delingen Shymkent qalasy polıtsııa departamentiniń baspasóz qyzmeti taratqan aqparatta.