Shymkentte kontrafaktili alkogol ónimderin óndiretin jerasty tsehynyń jumysy áshkere boldy

<p>ASTANA. KAZINFORM - Shymkent qalasynan &laquo;Absolut&raquo;, &laquo;Zelenaıa marka&raquo;, &laquo;Aıdabýlskaıa&raquo;, &laquo;Qulan&raquo; jáne taǵy basqa brendterdiń atyn jamylǵan kontrafaktilik alkogoldi ónimder óndiretin jerasty tsehynyń jumysy áshkere boldy. Bul týraly Ádilet mınıstrliginiń resmı ókili Talǵat Ýálı málimdedi.</p>

Shymkent qalalyq Ádilet departamenti men polıtsııa departamentiniń qyzmetkerleri kontrafaktilik ónimderdi óndirýmen aınalysqan azamatty anyqtady. Oǵan qatysty QR ÁQBtK-niń 158-baby (bótenniń taýar belgilerin zańsyz paıdalaný) áreketi boıynsha is qozǵaldy.

Tekserý barysynda jerasty tsehynda spırttik ishimdikterdi quıýǵa arnalǵan qutyda, shyǵý tegi belgisiz 3 000 lıtr suıyqtyq, súzgi, quıý jabdyqtary, «Absolut» taýar belgisi bar 720, «Zelenaıa marka» taýar belgisi bar 1 400 bótelke qaqpaqtary tárkilendi. Qazirgi ýaqytta ákimshilik istiń materıaldary sotqa jiberildi», - dedi Talǵat Ýálı.

Ádilet mınıstrligi qazaqstandyqtardy kontrafaktilik ónimderdi tutynýdan aýlaq bolýǵa shaqyrady. Kontrafaktili ónimderdiń quramynda adam densaýlyǵyna zııan keltirýi yqtımal túrli ýly zattar bolýy múmkin ekendigin eskertedi.