1,1 mlrd teńge jymqyryp, qymbat páterler alǵan — Shymkentte kommýnaldyq kásiporyn basshylyǵy ustaldy

<p>Asa iri kólemde bıýdjet qarajatyn urlaý faktisi boıynsha Shymkent qalasy ákimdigi men memlekettik kommýnaldyq kásipornynyń laýazymdy tulǵalaryna qatysty isti QMA Shymkent qalasy boıynsha Departamenti tergep jatyr, dep habarlaıdy QazAqparat.</p>

Kommýnaldyq kásipornynyń basshylyǵy qala ákimdiginiń baqylaýyndaǵy qosalqy merdigerlermen jáne laýazymdy tulǵalarmen birlese otyryp, jumys pen taýarlardyń qunyn joǵarylatyp, jylý jelileri men elektr jelilerin aǵymdaǵy jóndeýge bólingen 1,1 mlrd teńge bıýdjet qarajatyn urlady dep kúdiktelýde.

Kúdiktiler sottyń sanktsııasymen qamaýǵa alyndy

Sheneýnikter zańsyz jolmen tapqan aqshany paıdalanyp, Astanadaǵy elıtalyq turǵyn úı keshenderinen quny 150 mln teńgeden asatyn jyljymaıtyn múlik satyp alǵan.
Tergeý sotynyń sanktsııasymen barlyq múlikke tyıym salyndy.

Sotqa deıingi tergeý jalǵasýda.

QR QPK 201-babyna sáıkes ózge de aqparat jarııalanbaıdy.