Shymkentte kólik júk salǵyshynda otyryp kóshe aralaǵan jastar jaýapqa tartyldy
Áleýmettik jelide taraǵan vıdeodan eki jigittiń júk salǵyshta erkin otyrǵanyn kórýge bolady. Tipti, bar daýyspen kúlip, aıqaılap, ándetken sátterin smartfonǵa túsirip otyrǵan. Joldaǵy ózge júrgizýshiler ersi áreketti taspaǵa túsirip, ınternetke júktegen.
Shymkenttik polıtsııa qyzmetkerleri bul quqyq buzýshylyqty áleýmettik jelilerge monıtorıng júrgizý barysynda anyqtady.
«Tártip saqshylary «bremendik mýzykanttardy» tez arada anyqtady. 19 jastaǵy júrgizýshige QR ÁQBtK-niń 593-baby boıynsha aıyppul salyndy, al jolaýshylarǵa qatysty osy kodekstiń 615-baby boıynsha hattamalar toltyryldy. Tártip saqshylary jol ústindegi mundaı áreketter qaıǵyly jaǵdaılarǵa alyp kelýi múmkin ekenin eskertedi jáne qozǵalys erejelerin qatań saqtaý qajettiligin eske salady» - delingen Shymkent qalasy polıtsııa departamentiniń baspasóz qyzmeti taratqan aqparatta.