Shymkentte qoqys polıgonyn órteý faktileri toqtady
Shymkenttiń qatty turmystyq qaldyqtary Aqtas-1 eldi mekenindegi polıgonǵa jetkiziledi. Sońǵy jyldary Aqtas turǵyndary qoqys polıgonyndaǵy jaǵymsyz órt ıisine shaǵymdanyp kelgen edi. Ekologterdiń aıtýynsha, ásirese polımer, plastmassa qaldyqtar órtense, aýaǵa qaterli isik aýrýyn týdyratyn kantserogendi zattar bólinedi.
Qala ákimdigi de polıgonda birneshe órtený faktileri bolǵanyn rastady.
«Sebebi bul polıgon «MPZ «Green Leen» JShS menshiginde bolǵan jáne qalalyq ekologııa departamenti bul úshin ákimshilik jaýapqa da tartqan. Qazir turmystyq qaldyqtar polıgony memlekettik menshikke qaıtaryldy, ákimdik sodan beri órtený faktileri bolmady, aryz-shaǵym túspedi», - dep jazylǵan ákimdik jaýabynda.
Bul polıgonǵa kúnine 600-700 tonna turmystyq qaldyq kelip túsedi. Jeke sektordyń da qatty turmystyq qaldyqtary keste boıynsha aptasyna 1-2 ret jınalyp, polıgonǵa tasymaldanady. Onda qaıta óńdeletin zattar (plastık, shyny ydystar, qaǵaz jáne karton, metall) suryptalyp, óńdeýge jiberiledi. Qalǵan aralas qoqys polıgonǵa kómiledi.
Máselen shymkenttik «EvroKrıstall» kásiporny jyl saıyn qaladan shyǵatyn 8,5 myń tonna shyny qaldyǵyn óńdeıdi. Nátıjesinde zaýyt 200 ml-den 3 lıtrge deıin túrli formadaǵy sapaly shyny ydystaryn jasap shyǵarady. Onyń ishinde konservileýge arnalǵan bankalar, shyryn, syra, soda, sharap, lıker-araq ónimderine arnalǵan bótelkeler bar. Bul buıymdar Qazaqstan men kórshiles elderdiń óńdeý jáne tamaq ónerkásibinde keńinen qoldanylýda.