Shymkentte kıberaferısterge halyqaralyq izdeý jarııalandy

<p>Shymkent polıtsııasy kıberaferısterdi izdestirip jatyr. Olar qala turǵyndaryn 50 mln teńgege aldap ketken.&nbsp;<a href="https://kaz.inform.kz/" target="_blank" rel="noopener">Kazinform agenttigi</a>&nbsp;bul týraly&nbsp;<a href="https://t.me/POLICE_of_KZ/10376" target="_blank" rel="noopener">Rolisia.kz-ke</a>&nbsp;silteme jasap habarlaıdy.</p>

Polıtsııa málimetine súıensek, Almaty, Aqtóbe jáne Taraz qalasynyń 31, 36, 37 jastaǵy turǵyndary shymkenttik 30 turǵyndy san soqtyrǵan. Keltirilgen jalpy shyǵyn kólemi 50 mıllıon teńgege jýyq.

Alısa Amanova, Elına Hamıdova jáne Ramıs Rasımovqa bıylǵy shilde aıynda QR Qylmystyq kodeksiniń 190-baby 3-bóligimen (birneshe ret jasalǵan alaıaqtyq) halyqaralyq izdeý jarııalandy.

Qylmys shemasy: kólik satý saıtynda ornalasqan basqa bireýdiń habarlandyrýyn kóshirip alyp, ony tómen baǵada qaıta jarnamalaıdy. Qońyraý shalǵan klıentpen kezdesetin ýaqytty belgileıdi. Odan ári kóliktiń shyn ıesine qońyraý shalyp, ózin klıent retinde tanystyrǵan jáne kezdesý ýaqytyn belgileıdi.

Alaıaqtar eki tarapqa da kólikti kórýge jáne kórsetýge týysy keletinin aıtady. Al aqshasyn tóleý máselesi boıynsha ózderine qaıta qońyraý shalý kerektigin eskertedi. Osylaısha olar naǵyz satýshy men satyp alýshyny betpe-bet júzdestiredi. Olar tarqasqan soń klıentke qaıta qońyraý shalyp, aqshany óz esepshottaryna aýdartyp alady.