Shymkentte «qaýipsiz jańa jyl» aktsııasy bastaldy

<p>Pırotehnıkalyq zatty lıtsenzııasyz satýshylarǵa ákimshilik aıyppul salynady, dep habarlaıdy <a href="Kazinform" target="_blank" rel="noopener">Kazinform</a>.</p>

Shymkentte «qaýipsiz jańa jyl» aktsııasy bastaý aldy. Aktsııa aıasynda qala aýmaǵyndaǵy merekelik is-shara ótkiziletin jáne adamdar kóp shoǵyrlanatyn nysandarǵa órt qaýipsizdigi boıynsha úgit-nasıhat jumystary júrgizilýde.

Sondaı-aq, 25 jeltoqsan men 3 qańtar aralyǵynda «Pırotehnıka» jedel-profılaktıkalyq is-sharasy ótkiziledi. Іs-shara barysynda sáıkestilik sertıfıkaty joq pırotehnıkalyq buıymdardy jappaı satý, sondaı-aq ruqsat qujattarsyz satylatyn faktilerdi anyqtaý jáne onyń jolyn kesýge baǵyttalǵan reıdtik is-sharalar uıymdastyrylady.

«Pırotehnıkalyq zatty satý úshin zańdy tulǵanyń tıisti lıtsenzııasy bolýy qajet. Al, lıtsenzııasy joq tulǵanyń pırotehnıkalyq zattardy satý jaıttary anyqtalǵan jaǵdaıda, oǵan qatysty QR ÁQBtK-niń 196 babymen ákimshilik hattama toltyrylyp, 25 aılyq eseptik kórsetkish mólsherinde aıyppul salynady», - dedi Shymkent qalasy polıtsııa departamentiniń ákimshilik polıtsııa basqarmasynyń bastyǵy, polıtsııa polkovnıgi Erǵalı Súleımenov.