Shymkentte jekemenshik balabaqsha ıeleri qarjy jymqyrǵan

<p>ShYMKENT. KAZINFORM - Shymkent qalalyq prokýratýrasy 4 jeke balabaqsha ıesiniń balabaqshaǵa kelmegen balalar úshin 29,6 mln teńge bıýdjet qarajatyn zańsyz ıemdengenin anyqtaldy.</p>

Shymkent qalalyq prokýratýrasy baspasóz qyzmetiniń habarlaýynsha, bul faktiler boıynsha sotqa deıingi tergep - tekserý nátıjesinde bıýdjetke keltirilgen zalal tolyq bıýdjetke qaıtaryldy. Sot úkimimen 1 adamǵa 3 jylǵa bas bostandyǵyn shekteý jazasy qoldanylsa, ekinshisi 3 jyl 6 aı merzimge bas bostandyǵynan aıyrý jazasy taǵaıyndaldy.

Máselen, G.M.Rysbekovanyń meńgerýindegi «Alı men Aııa» bóbekjaı-baqshasy» JShS-i 2020 jyldyń naýryz aıynan bastap 2022 jyldyń jeltoqsan aıyna deıin balabaqshaǵa kelmegen 15 bala úshin, olar keldi dep qujattar tapsyrý arqyly bıýdjetten 8,7 mln teńgeniń ústinde qarjy ıemdengen.

Bul qylmys úshin sottyń 23.02.2024 jylǵy úkimimen G.M.Rysbekova QK-tiń 190-baby 3-bóliginiń 1) tarmaǵymen kináli dep tanylyp, oǵan ómir boıy memlekettik uıymdarda jáne kvazımemlekettik sektor sýbektilerinde laýazymdy qyzmet atqarýǵa ómir boıy tyıym salynyp, 3 jyl 6 aı merzimge bas bostandyǵynan aıyrý jazasy taǵaıyndaldy.

«Mundaı qatań úkimniń shyǵarylýy atalǵan tulǵanyń buryn da sotty bolyp, sot úkiminiń oryndalýy keıinge qaldyrylýy negiz boldy».-delingen habarlamada.