Shymkentte «Hızb-ýt-Tahrırge» múshe 22 radıkal ustaldy

<p>ShYMKENT. KAZINFORM &mdash; Ulttyq qaýipsizdik komıtetiniń Shymkent qalasy boıynsha departamenti qala prokýratýrasynyń úılestirýimen 22 adamnan turatyn &laquo;Hızb-ýt-Tahrır&raquo; radıkal-ekstremıstik uıymyn (Qazaqstanda tyıym salynǵan - <em>red.</em>) anyqtady.</p>

Olar bıylǵy Ramazan aıynda aýyzashar syltaýymen radıkaldy ekstremıstik uıymnyń jergilikti jaqtastarynyń sanyn kóbeıtý jáne úgit-nasıhat jumystaryn júrgizý úshin dinı jıyndar ótkizgen. 

Tintý barysyda Qazaqstanda tyıym salynǵan 7 dinı kitap, dinı mazmundaǵy 10-nan astam qoljazba jáne mátindik paraqshalar, 6 uıaly telefon men 4 noýtbýk tárkilendi.

Atalǵan fakti boıynsha QR QK 256-babynyń 1-bóligimen jáne 259-babynyń 1-bóligimen tergeý amaldary bastaldy.

Osyǵan baılanysty Shymkent prokýratýrasy eldiń konstıtýtsııalyq qurylymyn buzý maqsatynda radıkaldy ekstremıstik uıymǵa kirýge shaqyrǵandar qylmystyq jaýapkershilikke tartylatynyn eskertedi.

QR QPK 201-babynyń talaptaryna sáıkes basqa aqparat jarııalanbaıdy.