Shymkentte garaj ishindegi jertóleden bir qap marıhýana tabyldy

<p>ShYMKENT. KAZINFORM - Esirtki satýshyny qalalyq polıtsııa departamentine qarasty uıymdasqan qylmysqa qarsy kúres basqarmasynyń jedel ýákilderi qolǵa túsirdi.</p>

Kúdikti bir qap marıhýana men 200-ge jýyq esirtki oramasyn garaj ishinde jasalǵan jertólege jasyryp kelgen. Tártip saqshylarynyń sózine súıensek, er adam esirtkini ólshep-orap, ári qaraı satý úshin saqtaǵan.

«Tárkilengen esirtki quraldarynyń salmaǵy 10 keliden asty, bul asa iri kólem sanaladyk. Kúdikti qamaýǵa alyndy. Qazirgi tańda tergep-tekserý áreketteri júrgizilýde», - delingen Shymkent qalasy polıtsııa departamentiniń baspasóz qyzmeti usynǵan aqparatta.

Eske sala keteıik, buǵan deıin UQK 18 halyqaralyq jáne 9 aımaqtyq esirtki arnasynyń jolyn keskenin jazǵan edik.