Shymkentte esirtki jarnamalaıtyn 18 telegram kanal buǵattaldy

<p>ASTANA. KAZINFORM &ndash; Shymkent qalasynyń prokýratýrasy zańsyz esirtki zattaryn jarnamalaý derekterin anyqtady. Bul týraly Shymkent qalasynyń prokýratýrasy málim etti.</p>

Qazaqstan Respýblıkasy Bas Prokýrordyń tapsyrmasyn oryndaý maqsatynda qala prokýratýrasymen áleýmettik jelilerge monıtorıng júrgizý barysynda belgisiz tulǵalarmen esirtki jáne psıhotroptyq zattardy nasıhattaý, jarnamalaý jáne satýmen aınalysatyn telegram kanaldary anyqtaldy.

Atqarylǵan jumys nátıjesinde «Kıbernadzor» júıesi arqyly esirtki zattaryn jarnamalaıtyn 18 telegram kanaldary buǵattaldy.

Aıta keteıik, qala prokýratýrasy bul baǵyttaǵy jumystar júıeli túrde jalǵasatynyn habarlady.

Buǵan deıin habarlaǵanymyzdaı, 16 jastaǵy shymkenttik esirtki jarnamalaǵany úshin alty jylǵa sottalýy múmkin.

Sonymen qatar, bıyl zańsyz aınalymnan 19 tonnadan astam ártúrli esirtki zattary alynǵany belgili boldy.