Shymkentte esirtki taratýmen aınalysqan bir otbasynyń úsh múshesi sottaldy

<p>ShYMKENT. KAZINFORM &mdash; Sottalýshylar esirtkige tapsyrysty ınternet arqyly qabyldaǵan. Sodan satyp alýshylarǵa dozalyq esirtki oramalaryn daıyndap, qala aýmaǵynda jasyryn oryndarǵa qaldyryp júrgen.</p>

Jedel is-sharalar kesheniniń nátıjesinde polıtsııa departamentiniń esirtki qylmysyna qarsy is-qımyl basqarmasynyń qyzmetkerleri bir otbasynyń 3 múshesi men olardyń 2 seriktesin anyqtady.

Turǵylyqty jerlerin tekserý kezinde esirtki zattary jáne olardy ólshep-oraýǵa arnalǵan jabdyqtar tabylyp, tárkilendi.

«Tergeý barysynda polıtseıler barlyq dáleldemelerdi jınap, qylmystyq isti sotqa joldady. Otbasynyń 22 jastaǵy uly, ıaǵnı qylmysty uıymdastyrýshy sot úkimimen 18 jylǵa bas bostandyǵynan aıyryldy, qalǵan 4 kináli tulǵanyń árqaısysy 16 jylǵa sottaldy» - delingen Shymkent qalasy polıtsııa departamentiniń baspasóz qyzmeti usynǵan aqparatta.