Shymkentte esirtki kýreri qylmys ústinde ońbaı ustaldy

<p>ShYMKENT. KAZINFORM &mdash; Shymkentte esirtki jasyrýmen aınalysqan er adam ustaldy. Kúdikti polıtseılerge baǵynbaı, qashyp ketýge tyrysqan. Biraq tártip saqshylary onyń sońynan qýyp, qamaýǵa aldy.</p>

Qala turǵynynan asa iri mólsherdegi sıntetıkalyq esirtki tárkilendi. 

Polıtseıler esirtki kýrerin Qarataý aýdanyndaǵy reıd barysynda qala kósheleriniń birinen qylmys ústinde ustaǵan.

Er adamnan 36 orama mefedron tabyldy. 

«Ustalǵan azamattyń ınternet arqyly ońaı „jumys“ taýyp, qala aýmaǵynda esirtki qoıyp ketýmen aınalysqany anyqtaldy. Al jasyryn oryndar týraly aqparatpen ol messendjerde bólisip otyrǵan. Qazirgi tańda kúdikti qamaýda. Atalǵan fakti boıynsha sotqa deıingi tergeý júrgizilip jatyr», -dedi qalalyq polıtsııa departamenti. 

Buǵan deıin Shymkent polıtseıleri sıntektıkalyq esirtkiniń 2 myńnan astam dozasynyń qala aýmaǵynda taralýynyń aldyn alǵan bolatyn.

Esirtki satýshyny jedel ýákilder Abaı aýdanynyń aýmaǵynda ustady.

Onyń jaldamaly páterin tekserý kezinde esirtkini ólshep oraýǵa arnalǵan tarazy, ızolenta, «termoýsadka», grıpper-paketter, sonymen qatar asa iri mólsherdegi mefedron tabyldy.

Er adam ınternet-messendjer arqyly esirtki salynǵan paketter jasyrylǵan oryndar týraly aqparat alyp, olardy bir rettik dozalarǵa bólip, ótkizýmen aınalysqan.

Atalǵan qylmysty jasaǵany úshin 34 jastaǵy kúdikti on jyldan on bes jylǵa deıin bas bostandyǵynan aıyrylýy múmkin. 

Eske salsaq, Atyraýda 1 keliden astam sıntetıkalyq esirtki satpaq bolǵan eki kúdikti qamaýǵa alynǵan bolatyn. 

Oblystyq polıtsııa departamenti málim etkendeı, kúdiktiler Taraz qalasynan kelgen.