Shymkentte esirtki qoıýshydan asa iri mólsherde sıntetıka tárkilendi

<p>ShYMKENT. KAZINFORM - Polıtsııa qyzmetkerleri 200-den astam dozasy bar psıhotroptyq zattyń taralýyna jol bermedi.</p>

Jedel is-sharalardy júrgizý barysynda esirtki qylmysyna qarsy is-qımyl basqarmasynyń qyzmetkerleri Ál-Farabı aýdanynyń aýmaǵynda esirtki qoıýshyny qolǵa túsirdi. Tekserý kezinde kúdiktiden mefedron salynǵan paket tabylyp, tárkilendi. 

- Polıtsııa qyzmetkerleri psıhotroptyq zattyń 200-den astam dozasynyń taralýyna jol bermedi. Atalǵan oqıǵa boıynsha qylmystyq is tirkeldi. Ustalǵan azamatqa qatysty tergeý júrgizilýde. Qazirgi tańda kúdikti qamaýda. Quqyq qorǵaýshylar esirtkiniń zańsyz aınalymyna baılanysty qylmys úshin bas bostandyǵynan aıyrý jazasy qarastyrylǵanyn eske salady, - delingen Shymkent qalasy polıtsııa departamentiniń baspasóz qyzmeti usynǵan aqparatta.

Aıta keteıik, budan buryn Shymkentte turǵyndardy aýyzsýmen qamtamasyz ete almaǵan sheneýnikter jazalanǵanyn jazǵan bolatynbyz.