ShYMKENT. KAZINFORM — Shymkentte Respýblıka kúnine oraı qaladaǵy eń bıik tý tuǵyryna memlekettik tý kóterildi. Bıiktigi — 100 metr.
Saltanatty rásimge megapolıs ákimi, qalalyq máslıhat depýtattary, quqyq qorǵaý organdarynyń basshylary, ataqty sportshylar, BAQ ókilderi jáne qaladaǵy jastar qaýymy qatysty.
Foto: Maqsat Shaǵyrbaı / KazinformQala turǵyndaryn aıtýly oqıǵamen quttyqtaǵan qala ákimi Ǵabıt Syzdyqbekov «Tulip Hall» kesheniniń janynda ornalasqan jańa maqtanysh pen birlik nyshany qala turǵyndary men qonaqtary úshin taǵy bir sáýlet nysanyna aınalatynyn atap ótti.
Foto: Maqsat Shaǵyrbaı / KazinformKólemi 30×15 metrlik úlken týdy qalanyń ár núktesinen kórýge bolady. Saltanatty sharaǵa jınalǵan turǵyndardyń aıtýynsha, kókke kóterilgen tý birlik pen maqtanysh sezimin týdyryp, barshany bir tý astyna jınaıtyndaı áser qaldyrady.
Foto: Maqsat Shaǵyrbaı / KazinformFoto: Maqsat Shaǵyrbaı / KazinformFoto: Maqsat Shaǵyrbaı / KazinformBúgin sondaı-aq Almatyda Respýblıka kúnine oraı Memlekettik tý kóterildi.
Qaırat Zaınıshev
Shymkenttegi M.Saparbaev atyndaǵy OQGI túlegi. Eńbek jolyn «Aqıqat-Istına» gazetinde tilshi bolyp bastady. Keıinnen «Shymkent kelbeti», «Ońtústik Qazaqstan» gazeti men «Ernur.kz» saıtynda tilshi, «Kentaý shuǵylasy» gazetiniń bas redaktory qyzmetterin atqardy. Respýblıkalyq «Ekspress K» saıtynyń Túrkistan oblysyndaǵy tilshisi boldy. 2021 jyldan bastap «Kazinform» agenttiginiń Túrkistan oblysyndaǵy tilshisi qyzmetin atqarýda.