Shymkentte eki jylda 25 qyzdy alyp qashqan

<p>Shymkentte keıingi eki jylda qyz alyp qashýdyń 25 deregi tirkelgen.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly qala prokýratýrasynyń málimetine silteme jasap habarlaıdy.</p>

Shymkent prokýratýrasynda qalyńdyqty alyp qashý jaǵdaılaryna qatysty keńes ótti.

Qala prokýrory Ǵabıt Muqanovtyń aıtýynsha, mundaı faktiler qalada áli de jyl saıyn tirkeledi. Máselen, sońǵy eki jylda qalyńdyqty alyp qashý belgileri bar 25 derek tirkelgen. Bıyl mundaı oqıǵalarǵa qatysty polıtsııaǵa júgingender bolmaǵan.

«Atalǵan faktiler boıynsha qylmystyq isterdiń barlyǵy qylmys quramynyń bolmaýyna baılanysty toqtatyldy. Negizinen qalyńdyqtiń ózi «kúıeý jigittiń» úıine óz erkimen kelgeni týraly túsinikteme jazady. Ókinishke oraı, kelinshekter sátsiz nekeden keıin otbasy úshin uıat bolady dep qorqyp, nekege turýǵa májbúr», - delingen vedomstvo habarlamasynda.

Ǵabıt Muqanov atap ótkendeı, neke aldaý men zorlyq-zombylyqtan bastalmaýy kerek jáne quzyrly organdar qyz balany asyǵys qadamnan qorǵaýy qajet.

Prokýratýradan málim etkendeı, barlyq yqtımal kúıeý jigitter mundaı qadamdar úshin sot jazasy aýyr ekenin túsine bermeıdi. Sondaı-aq «ıgi is» dep sanaıtyn dostary da oǵan qaýip tóndirip jatqanyn sezinbeıdi.

Qalyńdyqty alyp qashqandar 10-nan 15 jylǵa deıin bas bostandyǵynan aıyrylýy múmkin. Máselen, Qylmystyq kodekstiń 125-baby («Adam urlaý») 15 jylǵa deıingi merzimge, 126-baby («Bas bostandyǵynan zańsyz aıyrý») 10 jylǵa deıingi merzimge túrmege qamaýdy kózdeıdi. 

Atalǵan baptar boıynsha qylmystyq quqyq buzýshylyq týraly ister jarııaly aıyptaý isteri bolyp esepteledi. Mundaı jaǵdaılarda bul ister boıynsha qylmystyq qýdalaý jábirlenýshiniń shaǵym bergeni-bermegenine qaramastan júzege asyrylady.

Qala prokýrory mundaı qylmystardyń aldyn alý úshin turǵyndar arasynda quqyqtyq túsindirý jumystaryn júrgizýdi tapsyrdy.