Shymkentte daıashy qyzdy urǵan er adamǵa qatysty tekserý bastaldy

<p>ShYMKENT. KAZINFORM &ndash; Kafege kelgen er adam boıjetken qyzdy uryp, kúsh kórsetken.</p>

Áleýmettik jelide kafede qyzmet etýshi qyzǵa kúsh kórsetken er adamnyń vıdeosy tarady. Onda kúdiktiniń qyzdy uryp-soqqanyn kórýge bolady. Abyroı bolǵanda, qasyndaǵy jigitter arasha túsip, ajyratyp alǵan.

Shymkent qalasy polıtsııa departamentiniń baspasóz qyzmeti atalǵan jaǵdaıǵa baılanysty tekserý jumystary júrgizilip jatqanyn málimdedi. Sot-medıtsınalyq saraptama da taǵaıyndalǵan.

Al, jelidegi jazbaǵa pikir bildirýshiler er adammen birge qyzdy da kinalap jatyr. Olardyń ishinde «Nadanshylyq», «Er adam qalmady ǵoı, qoldy kesý kerek», «Tili aşy bolyp tur ǵoı», «Ne bolǵanyn bilmedik, biraq adam qyz balaǵa qol kótergeni durys bolmady», «Daýsymen qosyp tyńdaý kerek, barlyq bále tilden» degen jazbalar bar.